Blog

Árangursríkir fundir með mögulegum viðskiptaaðilum á WGC 2020 + 1

Enterprise Europe Network á Íslandi í samstarfi við WGC 2020 + 1 stendur fyrir fyrirtækjastefnumóti á World Geothermal Conference 2021 fyrir þátttakendur til að hittast á skilvirkan hátt. Viðburðurinn beinist að sýnendum og gestum ráðstefnunnar en önnur fyrirtæki og samtök eru einnig velkomin.

Fyrirtækjastefnumótið verður bæði haldið rafrænt og á staðnum.

Skráning og þátttaka er gjaldfrjáls.

Mótið verður haldið 25. október 2021. Hver fundur er einungis 20 mínútur svo fundirnir verði skilvirkir og árangursríkir. Skráning er auðveld og fundarsíðan er einföld í notkun.

Af hverju taka þátt?

•             Finna framtíðar samstarfsaðila fyrir vöru eða þjónustu

•             Eiga samtal við aðila til að þróa áfram verkefni

•             Ræða nýjar hugmyndir við framtíðar samstarfsaðila

•             Stofna til viðskiptasambanda til langframa

•             Styrkja netverkið

Við hvetjum alla þátttakendur á ráðstefnunni sem hafa áhuga á nýjum viðskiptatengslum eða vilja eiga óformlegt spjall við áhugaverð fyrirtæki að taka þátt í þessum viðburð.

Skráning fer fram hér

Enterprise Europe Network aðstoðar fyrirtæki að vaxa á alþjóðavettvangi með sérsniðinni þjónustu og stuðningi. Fyrirtækjastefnumót er hluti af því. Í samvinnu við samstarfsaðila í Enterprise Europe Network og ráðstefnuhaldara, skipuleggjum við fyrirtækjastefnumót á fjölbreyttum ráðstefnum bæði hér og erlendis. Við tryggjum að gagnkvæmur ávinningur og eftirfylgni sé í fyrirrúmi. Traust viðskiptatengsl eru lykillinn ásamt breiðu netverki.

GeoSilica

GeoSilica var stofanð árið 2012 af Fidu Abu Libdeh út frá lokaverkefninu hennar í orku- og umhverfistæknifræði. GeoSilica framleiðir náttúruleg fæðubótarefni í vökvaformi til daglegrar inntöku, sem hjálpa til við endurnýjun líkamans frá toppi til táar. Vörur þeirr eru unnar úr 100% náttúrulegt hágæða kísilsteinefni úr jarðhitavatni frá Hellisheiðarvirkjun.
Sem nýsköpunarfyrirtæki nýtir GeoSilica sér þjónustu Enterprise Europe Network. Í myndbandi hér að neðan er starfsemi Geosilica betur kynnt og hvernig fyrirtækið nýtti sér þjónustu Enterprise Europe Network.

Samstarfið Enterprise Europe Network við Geosilica
Enterprise europe network hitti Geosilica fyrst árið 2014 með ráðgjöf varðandi stöðu fyrirtækisins og frekari vaxtarmöguleika. Í framhaldi átti Geosilica fund með Enterprise Europe Network um evrópska styrkjamöguleika og samstarfsleitina. Eftir fundinn lagði Geosilica mat á möguleika þeirra innan fjármögnunarkerfisins og síðar sóttu þau um og hnepptu fasa I SME instrument styrkinn.
Árið 2019, fundaði Mjöll aftur með GeoSilica til að fara yfir frekari fjármögnunartækifæri sem væru í boði, eins og Eurostars. Fyrr á sama árinu aðstoðaði Mjöll þau við að mæta á B2Match ráðstefnu á Natural and Organic Show í London. Í Á fyrirtækjastefnumótinu átti Geosilica fund með dreifingaraðila og í dag eru þeir nú dreifingaraðili Geosilica í Finnlandi.
Snemma árs 2021 aðstoðaði netverkið Geosilica við að klára prófíl sem síðar var birtur í gagnagrunni netkerfisins. Sú vinna er enn í gangi í nánu samstarfi við Geosilica.

Fyrirtækið hefur haft margvísleg samskipti við Enterprise Europe Network í gegnum árum. Ennfremur hafa samskiptin verið í báðar áttir og það fyrirkomulag auðveldað báðum aðilum að koma auga á mögulegan stuðning.

Laki Power

Laki Power er nýsköpunarfyrirtæki sem var stofnað árið 2015 til að þróa upp­finn­ingu Óskars H. Val­týs­son­ar. Laki Power þróar og fram­leiðir eftirlitstæki til þess að fylgj­ast með ástandi há­spennu­lína. 
Sem nýsköpunarfyrirtæki nýtti Laki Power sér þjónustu sem Enterprise Europe Network veitir, en hér að neðan má sjá myndband sem var gert í samstarfi með Laki Power.

Samstarf Enterprise Europe Network við Laki Power
Enterprise Europe Network hitti fyrst Laki Power árið 2015 á viðburði haldinn var af Icelandic Startups hagsmunaaðila netverksins. þar ræddi fyrirtækið stöðu og vaxtarmöguleika og hvar netverkið gæti komið inn með aðstoð. Í framhaldi átti Enterprise Europe Network og Laki fund um alþjóðleg fjármögnunartækifæri og samstarfsleit.
Eftir fundinn fór Laki að leggja mat á valkosti í evrópska fjármögnunarkerfinu og sótti síðar um H2020. Í því ferli fékk Laki ítarlega ráðgjafarþjónustu varðandi almenna fjármögnun, aðgang að fjármagni, leiðsögn við umsóknina í SME instrument fasa II og síðar pitch þjálfun fyrir kynningu á umsókn sinni í Brussel.
Laki hefur nokkrum sinnum hlotið styrk frá tækniþróunarsjóði Rannís. Árið 2017 og 2020 var LakiPower eitt fárra verkefna sem hlaut hæsta styrkinn sem tækniþróunarsjóður veitti í sumarútkalli sínu. Mikil samkeppni ríkir um sjóðinn og er meðal árangur 8% af heildarfjölda umsókna fyrir alla styrkhluta og einungis 2,5% árangur fyrir hæsta styrk af heildarfjölda umsókna.
Í byrjun árs 2021 hlaut LakiPower 2,1 millj­óna evra H2020 SME Instrument fasa II styrk frá Evr­ópu­sam­band­inu til að þróa tækn­ina áfram og efla sölu- og markaðsstarf á er­lend­um mörkuðum. Eftir að Laki hlaut styrkinn aðstoðaði netverkið þá með góðum árangri að finna þjálfara fyrir fyrirtækið sitt.

Fyrirtækið hefur haft margvísleg samskipti við Enterprise Europe Network. Ennfremur hafa samskiptin verið í báðar áttir og það fyrirkomulag auðveldað bæði fyrirtæki og netverki að koma auga á mögulegan stuðning. Laki er gott dæmi um hvernig árangursríkur stuðningur Enterprise Europe Network virkar í raunveruleikanum.

Hefring Marine

Hefring er hugbúnaðarfyrirtæki sem stofnað var árið 2018 í Reykjavík. Hefring framleiðir snjallsiglingakerfi Hefring Marine en hlutverk hans er að verja báta og draga úr höggum og hættulegum hreyfingum sem verða til vegna samspils bátsins, sjólags, hraða og stefnu.
Sem nýsköpunarfyrirtæki, nýtti Hefring sér þjónustu Enterprise Europe Network. Hér að neðan má sjá myndband sem Enterprise Europe Network gerði í samstarfi við Hefring.

Samstarf Enterprise Europe Network við Hefring
Í byrjun árs 2019 hitti Mjöll, umsjónarmaður netverksins, Hefring á viðburði haldinn af hagsmunaraðilum netverksins. Þar var staða fyrirtækisins og vaxtarmöguleika rædd og ennfremur hvar Enterprise Europe Network gæti stutt við þá vegferð.
Í kjölfarið bókaði Hefring fund með netverkinu til að ræða evrópustyrkjamöguleika. Hefring teymið byrjaði að leggja mat á valkosti í evrópska fjármögnunarkerfinu og sótti síðar um SME instrument fasa II styrk H2020. Hlaut verkefnið Seal of Excellence.

Hefring teymið átti einnig fund með Enterprise Europe Network varðandi valferli inn í samkeppnishæfa þriggja mánaða sjóhraðaáætlunina PortXL í Rotterdam 2020. Hefring Marine var síðar valið úr 2400 umsækjendum til að taka þátt. Til að geta tekið þátt þurfti Hefring að útbúa þriggja mínútna pitch. Netverkið aðstoðaði Hefring með umrætt pitch, viðskiptamódelið, sölustaði og önnur mikilvæg atriði sem tengjast verkefninu þeirra Hefringsteymið leitaði eftir stuðningi varðandi vettvang þeirra, viðskiptahugmyndina, sölustaði og önnur mikilvæg atriði sem tengjast hugmynd þeirra og on-site selection coursell. Netverkið á Íslandi var í samstarfi við netverkið í Hollandi á meðan hraðlinum stóð.

Hefring marine hefur náð frábærum árangri með dyggri aðstoð Enterprise Europe Network. Með hjálp netverksins hefur teymið öðlast nýja samstarfsaðila, þekkingu og tæki til að þróa verkefni sitt áfram. Bæði með leit að samstarfi og tengingum í gegnum PortXL eiga þeir mikla möguleika á framtíðarsamstarfi.

Enterprise Europe Network á Íslandi flyst til Rannís

Frá og með 1. janúar 2021 flyst umsýsla með Enterprise Europe Network á Íslandi til Rannís frá Nýsköpunarmiðstöð Íslands (NMÍ).

Tveir af þeim sérfræðingum sem hafa stýrt starfi Enterprise Europe Network hófu störf hjá Rannís þann 1. janúar sl., Katrín Jónsdóttir og Mjöll Waldorff. Þjónusta og sérþekking tengd Enterprise Europe Network fellur vel að þeim stuðningi við fyrirtæki og samstarfi háskóla og rannsóknastofnana sem þegar er til staðar hjá Rannís og mun flutningurinn efla og styrkja þjónustu og ráðgjöf Rannís til frumkvöðla og fyrirtækja.

Kara Connect – árangurssaga 2020

Kara Connect er fyrirtæki sem hefur brotið upp gamlar hefðir varðandi heilbrigðisþjónustu á líkama og sál. Þorbjörg stofnandi og hennar teymi hafa barist ötullega fyrir því að heilbrigðisþjónusta komist til allra þeirra sem geta ekki sótt hana vegna landfræðilegra hindrana eða annara.

Enterprise Europe Network á Íslandi fékk að stíga inn í þeirra vegferð til að tengja þau inn á sænska markaðinn í samstarfi við sænska netverkið Företagarna | Swedish Federation of Business Owners Enterprise Europe Network Stockholm. Í framhaldi opnuðu þau skrifstofu þar. Þarna sannaðist máttur alþjóðlegs tengslanets.

Myndbandið sýnir vel hversu hversu miklu þetta flotta teymi hefur áorkað.

Til hamingju Kara Connect.

 

Stefnir þú á bandaríkjamarkað?

ISAAC Boot Camp er eins dags vinnustofa ætluð fyrirtækjum og frumkvöðlum sem stefna á bandaríkjamarkað og snýr hún að því að veita frumkvöðlum og fyrirtækjum heildar yfirsýn yfir leiðir til að ná árangri á bandaríkjamarkaði.

 

Vinnustofan verður haldin 5.des nk. á Nýsköpunarmiðstöð Íslands.

Hvert er virðið?

Farið verður yfir mál sem brenna á fyrirtækjum sem stefna á bandaríkjamarkað eins og markaðinn í heild sinni, viðskipta – og markaðsþróun, fjármögnunarleiðir, lög og reglur og skattamál svo fátt eitt sé nefnt. Einnig verða sérfróðir aðilar á staðnum sem deila reynslu og þekkingu til að þátttakendur fái sem mest út úr vinnustofunni. Vinnustofan er ókeypis. Síðast en ekki síst, ISAAC er viðskiptahraðall sem hefur það aðal markmið að styðja við erlend fyrirtæki með mikla vaxtarmöguleika að komast inn á bandaríkjamarkað, því er tilvalið að nýta sér þennan dag og fá svör og leiðsögn frá sérfræðingum.

Samstarf þriggja aðila

ISAAC Atlanta skipuleggur og leiðir þessa vinnustofu í samstarfi við Enterprise Europe Network á Nýsköpunarmiðstöð Íslands og Bandaríska sendiráðið.

Hægt er að skrá sig hér

Nýsköpunarkraftur íslenskra fyrirtækja er á heimsmælikvarða

Nú á dögum skipulagði íslenska skrifstofa Enterprise Europe Network með belgísku Enterprise Europe Network skrifstofunni fyrirtækjaheimsókn nokkurra belgískra fyrirtækja til Íslands. Megin markmið heimsóknar var að sækja innblástur til fyrirtækja á Íslandi sem hafa orð á sér að vera gædd miklum nýsköpunarkrafti. Sett var upp heimsókn til 11 fyrirtækja og hjá hverju og einu var tími gefinn fyrir kynningu, umræður og jafnvel fundi. Í heimsókn til Nýsköpunarmiðstöðvar, kom Helga Dögg frá Atmonia til að tala um þeirra verkefni, Selective Humans spjallaði við hópinn um hugmyndina sína sem snýr meðal annars að því að upplýsa neytendur nánar um innihald matvara í innkaupum. DTE rölti með þau í gegnum þeirra skrifstofur. Síðan tóku Solid Clouds  móti þeim á Seltjarnarnesið til að kynna þau fyrir verkefninu Starborne tölvuleiknum. Heimsóknirnar munu vonandi opna á frekari möguleika hjá báðum aðilum og fylgjumst við spennt með framhaldinu.  Enterprise Europe Network skipuleggur fyrirtækjaheimsóknir með sínum viðskiptavinum því þær bera árangur því við sjáum til þess að sameiginlegur ávinningur beggja aðila sé í fyrirrúmi. Traust viðskiptasambönd er aðalatriðið hér ásamt víðu tengslaneti.

 

 

Tengsl við erlenda viðskiptaaðila – skilvirk leið sem skilar árangri

Í gagnagrunni Enterprise Europe Network má finna ýmis tækifæri sem geta aukið samkeppnishæfni þíns fyrirtækis. Gagnagrunnur Enterprise Europe Network er stærsti sinnar tegundar í Evrópu og er uppfærður með nýjum tækifærum vikulega.

Hvort sem fyrirtæki eru í leit að samstarfsaðilum í rannsóknarverkefni eða vilja komast í samband við umboðs, – sölu eða samstarfsaðila utan um vörur eða þjónustu á, getur Enterprise Europe Network aðstoðað eftir bestu getu.

Til að leita í gagnagrunninum er leitarorð slegið inn og svo hakað við viðeigandi svið til að fá sem besta niðurstöðu. Ef þú finnur áhugavert samstarfstækifæri þá skaltu láta starfsfólk Enterprise Europe Network á Íslandi vita svo hægt sé að fylgja leitinni á eftir, eins geta þeir aðstoðað við leit í gagnagrunninum.

ReonEngineering nýtti þessa þjónustu Enterprise Europe Network um daginn með góðum árangri.

ReonEngineering teymið nýtti sér samstarfsleit Enterprise Europe Network á Íslandi

Enterprise Europe Network átti samtal við íslenska fyrirtækið ReonEngineering um hvaða þjónustu Enterprise Europe Network gæti boðið þeim.  Eftir nokkra fundi og tölvupósta við Enterprise Europe Network Netverkið var komist að þeirri niðurstöðu að ReonEngineering gæti nýtt sér samstarfsleit Enterprise Europe Network, Fyrirtækinu vantaði samstarfsaðila í Þýskalandi út af rannsóknarverkefni sem var í vinnslu. Starfsfólk netverksins hóf leit í gagnagrunni Enterprise Europe Network að réttum aðilum. Árangur leitarinnar var arðbær og fundust tveir aðilar í Þýskalandi sem svöruðu kröfum ReonEngineering. Haft var samband við samstarfsaðila Netverksins í Þýskalandi, tengiliði þeirra sem ReonEngineering vildi komast í samband við. Samstarfsaðilar Netverksins komu síðan fyrirtækjunum í beint samband við hvort annað til að skoða samstarfsmöguleika og möguleg samlegðaráhrif. Í framhaldi áttu þau fund um mögulegt samstarf og úr varð viðskiptasamband sem vonandi verður til framtíðar.

Netverkið hefur þá kosti að hafa staðbundna samstarfsaðila sem geta haft beint samband við fyrirtæki sem sótt er eftir samtarfi við. Eins býr netverkið yfir viðamiklum gagnagrunni af viðskiptatækifærum sem hægt er að leita í eftir samstarfi.

 

Hafðu endilega samband við Enterprise Europe Network til að fá nánari upplýsingar og/eða aðstoð.

Viltu eiga fund með fyrirtækjum með framtíðar samstarf í huga? – Enterprise Europe Network aðstoðar þig

Enterprise Europe Network á Íslandi hjálpar fyrirtækjum að vaxa hraðar með sérsniðnum tólum. Fyrirtækjaheimsóknir (Company mission) er eitt þeirra. Í samvinnu við samstarfsaðila okkar í Enterprise Europe Network netverkinu komum við á fundum á milli viðeigandi fyrirtækja annaðhvort hér eða erlendis. Við sjáum til þess að sameiginlegur ávinningur beggja aðila sé í fyrirrúmi. Traust viðskiptasambönd er aðalatriðið hér ásamt víðu tengslaneti.

Enterprise Europe Network í Danmörku hélt í lok október fyrirtækjaheimsókn í samstarfi við EEN á Íslandi. Dönsk og grænlensk fyrirtæki í sjávarútvegi og sjóflutningum komu til Íslands og heimsóttu 11 hagsmunaaðila meðal annars Eimskip, Orbicon Arctic, íslenska sjávarklasann og Viðskiptaráð. Heimsóknin varð mjög árangursrík. Eftirfarandi umsögn Linn Indrestrand þróunarstjóri Port of Hirtshals er merki um það hversu mikilvægt er að tengja fyrirtæki og fólk til að framtíðarviðskiptasamband myndist „We had a great follow-up meeting and the trip in general was absolutely positive. Your service and the meeting you arranged were very well organized. We are planning another more dedicated trip to Iceland“ Við hvetjum fyrirtæki sem vilja komast í samband við fyrirtæki erlendis að hafa samband við okkur hér.