Enterprise Europe Network

Hlutverk Enterprise Europe Network á Íslandi er að upplýsa, fræða og leiðbeina fyrirtækjum á Íslandi varðandi tækifæri á alþjóðamarkaði.

Enterprise Europe Network á Íslandi getur aðstoðað lítil og meðalstór fyrirtæki, auk háskóla og opinbera aðila, við að efla samkeppnishæfni sína á alþjóðamarkaði gegnum stærsta viðskiptatengslanet heims.  

Hjá Enterprise Europe Network starfa um 3000 sérfræðingar á yfir 450 stöðum í fleiri en 40 löndum og í öllum heimsálfum. Með sérþekkingu á alþjóðlegum mörkuðum og tengslanet í allri Evrópu og víðar, aðstoðum við fyrirtæki við að komast á nýja markaði.

• Koma nýrri tækni, vöru eða þjónustu á framfæri erlendis.
• Leita að framleiðsluaðila, dreifingaraðila eða birgja.
• Leita að samstarfsaðilum í evrópsk rannsóknarverkefni.

Enterprise Europe Network á Íslandi er hluti af þeirri þjónustu sem Rannsóknarmiðstöð Íslands (Rannís) veitir og er styrkt af Evrópusambandinu. 

Þjónustan er hluti af stuðningsumhverfi nýsköpunar á Íslandi og er gjaldfrjáls.