Frá viðskiptahugmynd til fjármögnunar

Miðstöð stafrænnar nýsköpunar á Íslandi (EDIH) og Enterprise Europe Network á Íslandi standa fyrir „master class“ námskeiði í samstarfi við Gate2Growth dagana 2.-3. desember í Hannesarholti við Grundarstíg 1. Fyrri dagurinn stendur frá kl. 10-16, en boðið er upp á einstaklingsráðgjöf seinni daginn. Athugið, það er takmarkað pláss í einstaklingsráðgjöfina og verður fundartímum úthlutað í þeirri röð sem fyrirspurnir berast.

Markmið námskeiðsins er að leiðbeina þátttakendum við að þróa öflugt viðskiptamódel, setja fram faglega viðskiptaáætlun og læra að velja réttar fjármögnunaraðferðir. Farið verður yfir hringrásar- og línuleg viðskiptamódel, áskoranir opinberra innkaupa og hvernig fyrirtæki geti sameinað einkafjárfestingu og opinbera styrki.

Sérstök áhersla er lögð á:

• Hvernig á að laða að fjárfesta
• Fjárhagsáætlanir og lausafjárgreiningu
• Helstu ESB-styrki
• Hvers vegna og hvenær á að taka þátt í alþjóðlegum samstarfsverkefnum

Drög að dagskrá

Þriðjudagur, 2. desember 

• 09.30 Húsið opnar
• 10.00-12.30 Fjármögnunarlandslagið og hringrásar/línuleg viðskiptamódel, viðskiptaáætlun
• 12.30-13.00 Hádegismatur
• 13.00-15.30 Að laða að fjárfesta með sterku viðskiptamódeli, opinberir styrkir / ESB-styrkir, böl eða blessun

Miðvikudagur, 3. desember

• 09.30 Húsið opnar
• Einstaklingsráðgjöf, sér skráning og hér gildir fyrstur kemur fyrstur fær.

Leiðbeinandi
Uffe Bundgaard-Joergensen, forstjóri Gate2Growth og sérfræðingur í fjármögnun nýsköpunarfyrirtækja í Evrópu.
Uffe er með doktorsgráðu í hagfræði og rekstrarrannsóknum frá Kaupmannahafnarháskóla og Tækniháskóla Danmerkur. Hann hefur starfað sem ráðgjafi, rannsóknarstjóri, framkvæmdastjóri og stjórnandi í bæði einka- og opinbera geiranum. Hann er meðlimur Vísindaakademíu Danmerkur og var í 15 ár formaður danska orkumálaeftirlitsins. Hann hefur einnig starfað sem alþjóðlegur ráðgjafi í Afríku, Asíu og Suður-Ameríku.

Námskeiðið fer fram á ensku

Námsskeiðsgjald: 4.990 kr.
Innifalið: Hádegismatur, hressing og öll gögn, þar með talið:
EU-verkefnaskýrslan Circular & Linear Business Cases and Public Procurement Challenges.
Aðgangur að G2G Business Plan Writer og fjárhagsáætlunarmódúl í 3 mánuði.