Kynningarfundur á styrkja- og stuðningsumhverfinu

Samtök iðnaðarins og Rannís standa fyrir kynningarfundi um Tækniþróunarsjóð miðvikudaginn 28. janúar kl. 9:00-10:30 í Húsi atvinnulífsins, Borgartúni 35, á 1. hæð.

Sérfræðingar frá Rannís munu kynna opinberan stuðning til nýsköpunarverkefna í Tækniþróunarsjóði auk tækifæra á erlendum mörkuðum.

• Styrkir Tækniþróunarsjóðs – Arnþór Ævarsson, Rannís
• Skattahvatar rannsókna- og þróunarverkefna– Sigurður Óli Sigurðsson, Rannís
• Styrkir Eurostars og þjónusta EEN – Mjöll Waldorf, Rannís
• Reynslusaga styrkþega – Karl Birgir Björnsson, framkvæmdastjóri og meðstofnandiHefring Marine og aðildarfyrirtæki Samtaka iðnaðarins

Boðið verður upp á morgunkaffi og að loknum erindum gefst góður tími fyrir spurningar, samtal og tengslamyndun.

Við hlökkum til að sjá ykkur, en þátttakendur eru beðnir að skrá sig:

Skráning á viðburð

Fundurinn verður einnig í beinu streymi.